سياسة الاسترجاع خلال 14 يوم

في Second Bloom، رضاكِ مهم جدًا لينا. ولو كنتي مش مبسوطة من الطلب اللي وصلك، ممكن ترجعي القطع اللي ينفع ترجع خلال 14 يوم من استلام الطلب.

المدة:

عندك 14 يوم من تاريخ استلام الطلب علشان تقرري لو القطعة مناسبة ليكي ولا لأ.

لو حابة ترجعي أي قطعة، كل اللي عليكي تعمليه هو تبعتي لنا على support@secondbloom.shop وتكتبي تفاصيل طلبك.

ملاحظات مهمة:

• تكلفة التوصيل الأصلية وتكلفة الشحن في الرجوع بتكون على حسابك.

• بيتم إضافة رسوم معالجة 25 جنيه على كل طلب استرجاع.

شروط الاسترجاع:

علشان نقدر نقبل استرجاع القطعة، لازم:

• التكت بتاع Second Bloom يكون لسه موجود ومش متشال

• القطعة تكون في حالتها الأصلية (مافيهاش أي ضرر أو استخدام واضح)

• القطعة تتبعت في نفس التغليف اللي استلمتيه بيه

طريقة طلب الاسترجاع:

ابعتيلنا على support@secondbloom.shop وفي الإيميل اكتبي:

• سبب الاسترجاع

• رقم الطلب

• رقم موبايلك

• اسم القطعة/القطع اللي عايزة ترجعيها

• العنوان بالتفصيل

هنرد عليكي بخطوات الاسترجاع بعد ما نستلم طلبك.

الاسترداد:

بعد ما نستلم القطعة في المخزن ونتأكد من حالتها، بنبدأ نرجّعلك المبلغ عن طريق Instapay خلال 3 لـ 5 أيام عمل.

بنخصم من المبلغ:

• مصاريف التوصيل الأصلية

• تكلفة شحن الاسترجاع

• رسوم المعالجة (25 جنيه)

في حالة وجود تلف أو مشكلة:

لو القطعة وصلتلك وفيها مشكلة، أو مختلفة عن اللي طلبتيه، ابعتيلنا فورًا بنفس التفاصيل اللي فوق، علشان نحل المشكلة بأسرع وقت ونضمن رضاكِ التام.

استخدام السياسة بشكل عادل:

سياسة الاسترجاع معمولة علشان نضمن تجربة عادلة ومرضية لكل العملاء.

ولو لاحظنا تكرار أو إساءة استخدام لطلبات الاسترجاع، بنحتفظ بحقنا في تقليل أو إلغاء إمكانية الاسترجاع مستقبلًا.

احترام التعامل:

بنطلب بكل ود إن التعامل مع فريقنا وسواقين التوصيل يكون بلُطف واحترام. إحنا هنا علشان نخلي تجربتك مع Second Bloom سهلة ومريحة.

التحديثات:

Second Bloom من حقها تعدّل أو تحدّث السياسة دي في أي وقت من غير إخطار مسبق. بننصحك تراجعيها من وقت للتاني.

شكرًا على تفهمك وتعاونك