الموضة ذات الهدف والتأثير
هدفنا
في Second Bloom، إحنا مؤمنين إن الموضة لازم تكون مختلفة: أسهل، أمتع، وبتهتم بالناس والبيئة. كل قطعة مستعملة بنقدّمها مش بس بتقلل من تأثير الموضة السريعة، لكنها كمان بتدي للهدوم فرصة تانية وتوصّلك بجودة عالية وسعر يناسبك.
مهمتنا مش بس إننا نقدّم لبس بجودة حلوة، لكن كمان نخلق منصة مريحة وممتعة تخلّي تجربة التسوّق للملابس المستعملة أسهل من أي وقت فات.برؤيتنا اللي بتمزج بين السهولة، السعر المناسب، والذوق، Second Bloom بتقدّم تجربة مختلفة ومميزة لعشّاق الموضة المستعملة. إحنا عايزين نخلي رحلة اكتشاف القطعة الحلوة رحلة ممتعة ومسؤولة في نفس الوقت — ومن غير ما تضحّي بمتعة الاختيار ولا شعورك الحلو لما تلاقي حاجة على ذوقك وتفرحي بي
تسوق بأخلاق ، من غير تنازل
في Second Bloom، إحنا فاهمين قد إيه مهم إن كل واحدة فينا تاخد قراراتها عن وعي في الزمن اللي إحنا فيه. وفي الفترة الأخيرة، ناس كتير في مصر قرروا يقاطعوا بعض البراندات العالمية بسبب مواقفها السياسية اللي ضد قيمنا، خصوصًا في اللي بيحصل دلوقتي في فلسطين.
القرارات دي نابعة من إحساس بالمسؤولية، ومن تضامن حقيقي مع القضية الفلسطينية وإحنا بنحترم ده جدًا. لكن في Second Bloom، إحنا شايفين الصورة من زاوية مختلفة: لما تشتري قطعة مستعملة من براند عالمي، إنتي مش بتدعميهم بشكل مباشر، ولا بتزودي أرباحهم.
بالعكس، إنتي بتشاركي في نظام دائري بيعتمد على إعادة الاستخدام وتقليل الهدر. إحنا مؤمنين إن التضامن مع فلسطين يبدأ من وعينا واختياراتنا، وعلشان كده بنقدّم بديل عملي يخلّي الموضة أقرب، أوفر، وأنضف ومن غير ما نضحي بمبادئنا.
ليه نختار نعيد استخدام اللبس بدل ما نشتري جديد؟
لما تشتري لبس مستعمل، بتعملي فرق حقيقي. بدل ما القطعة دي تترمي أو تتهدر، إنتي بتديها حياة تانية وده معناه استهلاك أقل لمية، وطاقة، وخامات طبيعية بتدخل في تصنيع لبس جديد.
اللبس المستعمل بيساعدنا نقلل الزحمة اللي بتحصل من الإنتاج الضخم في صناعة الموضة، واللي بيأثر على البيئة بشكل كبير. ببساطة، كل مرة تختاري قطعة مستعملة، إنتي بتاخدي قرار أذكى ليكي… وللكوكب كمان.
تغليف صديق للبيئة
في Second Bloom، إحنا مش بنهتم بالمنتجات بس، لكن كمان بالبيئة اللي حوالينا. بنشتغل دايمًا على تقليل استخدام البلاستيك، وبنستخدم تغليف صديق للبيئة في كل مرة نقدر فيها.
التزامنا بالكوكب بيخلينا نحرص إن التغليف بتاعنا يكون أقل ضرر ممكن، من غير ما نضحي بجودة التعبئة والتغليف.
أزياء مستعملة، مثالية.
